牛たん大輔 (已結業)

好好火气既牛舌一个餐可以试到唔同烹调方式嘅牛舌前菜:牛尾汤好少机会饮到牛尾汤，日本菜煮汤主要系味噌汤。奶白色既汤，因为煲左汤，牛尾肉巳经无太大既牛味，但个汤都好够味。招牌熟成牛舌餐 半生熟好爽口，用生牛舌烧，每一啖都好有牛味，而且软滑唔会鞋口。单点一个咖哩牛舌，当然系日式咖喱味，牛舌好淋身，如果比较喜欢食爽口牛舌，依家就唔太适合。欣赏只用一种食材烹调唔同味道嘅菜式。唯一需要改善嘅可能系餐厅里面抽风系统，系半开放式厨房嘅设计下令到顾客感受到烟雾离漫，我食到一半嘅时候对眼已经觉得好干。