Doughman

营业中

休息中

平時經過D2 Place，都一定會聞到呢一間麵包舖嘅香氣，不過每次都好趕時間冇行入去，今次見到佢有聖誕造型麵包就入咗去啦。佢除咗又唔同款式嘅麵包之外，仲有整嘅咖啡。今次試咗兩款嘢食，分別係聖誕樹造型嘅開心果牛角包同開心果牛奶。開心果牛角包好脆，即使擺咗一晚個口感都保持到，而且開心果餡瞓得好足，一搣開啲開心果醬就流出嚟，而且仲好濃郁，值得一讚！不過開心果牛奶就有啲遜色啦，飲落去好淡開心果味，食到少量開心果碎，但係似係開心果碎加牛奶，比起其他舖頭嘅開心果牛奶就爭得遠啦。兩樣嘢食加埋$85 ，講真真係有啲貴，間唔時買一次都可以嘅，成日食就不了。