Black Bear

营业中

休息中

位于太古城嘅Black bear,肥鸡夜晚同朋友睇完戏之后去试吓食，一入到去佢嘅装修风好木系feel，完全有少少无印良品嘅感觉。肥鸡拣咗佢嘅日式鳗鱼定食同埋黑松露酱芝士薯条佢嘅鳗鱼系非常之厚身啖啖肉，再配埋佢甜嘅烧汁，水准非常之出色，佢嘅小菜系蜜糖核桃加小鱼干，真系比较少见，肥鸡食得好开心。佢嘅黑松露酱芝士薯条，酱汁比得非常之多，每条薯条都铺满咗黑松露同埋芝士，非常之适合热爱呢两种食物嘅人。饮品方面，肥鸡就嗌咗斑斓拿铁 ，呢杯饮品喺香港咖啡店都比较少见，佢嘅斑斓味好重，配埋热热嘅奶，饮落去个口非常之舒服。甜品肥鸡嗌咗佢嘅黑熊新地，其实系咖啡味嘅雪糕配黑糖啫喱，热爱咖啡嘅人可以试吓呢杯新地，香甜嘅雪糕配上微苦嘅咖啡，另一个甜品就嗌咗士多啤梨牛角窝夫，热辣辣即叫即整嘅窝夫充满牛油嘅香味再配埋甜甜嘅士多啤梨酱，佢嘅甜品做得非常之出色。