相馬日式火鍋 (已結業)

之前已经黎食过，见好似都好耐无食过就去食下啦，点知原来新加左串烧既菜式，令我同朋友加添一点新鲜感。咁我地就叫左美国特选牛肉 120分钟放题 包埋豚肉同鸡肉，炸物同串烧都系任叫。咁会先嗌汤底，我地叫左豚骨汤底，觉得几香几浓郁，系唔错既选择。然后今次觉得佢既鸡肉好食左好多，非常嫩滑，牛肉亦都唔算"韧"，几薄身易入口，不过如果豚肉可以嫩滑d就更好。各类基本火锅配料都有。串烧都嗌左好多黎试，特别欣赏烧鸡皮、鸡肉串、薄烧牛舌串，鸡皮炸得卜卜脆，好惹味，鸡肉串肉质亦都系好嫩滑，仲有点烧汁既味道，牛舌唔"韧"几有咬口。至于炸物仍然系咁好食，鸡翼、炸鸡唐扬、餐肉、虾都系必嗌，外脆内软，鸡肉肉质嫩滑，加埋沙律酱，加添一点美味。今次主打食佢地既串烧同炸物，不过都一定要衬热食先最好食。另外仲有甜品同饮品都系任食任饮，牛肉有另外几款，有机会会试下其他。