影片
更多
2018-09-06
3430 浏览
话说午夜时分见到电视广告卖呢间专门食牛嘅616牛肉火锅专门店,佢哋标榜供应多达差唔多二十款刁钻牛肉嘅部位,而每款都各有不同嘅肉味同口感,所以就觉得好吸引,就上open rice度睇下佢哋嘅资料,发现原来都有好几间分店,而尖沙咀呢间就直头喺姐姐公司隔离街添,于是就捉佢出嚟陪我试下佢哋嘅lunch喇十二点半上到嚟,已经差唔多一半位置都坐满咗客人,不过啲职员都好有礼貌,唔会因为繁忙紧而唔理人,佢俾咗个比较静嘅四人枱我哋坐,等我哋可以坐得舒服啲睇番佢哋嘅餐牌,原来呢度嘅午巿套餐总共有四款,职员就推介我一定要试下呢个客人必点嘅芝士红烧牛肉面$48蚊,咁姐姐就拣咗牛四宝汤饭$48蚊,哈哈我想讲,其实四个餐都系$48蚊嘅,套餐仲会有嘢饮送又有甜品送,喺尖沙咀区嚟讲真系抵到烂呀咁我就口多多问职员小姐午巿系咪只系可以叫呢四个餐呢?原来都唔系㗎㖞...佢就拎咗个电子餐牌俾我睇,话晏昼都可以叫小食嘅😍我对心心眼即刻走哂出嚟呀!!!妈呀有我最钟意食嘅羽衣甘蓝呀😍仲要系天妇罗嚟添真系好特别呀我都系第一次见所以谂都唔谂就落埋柯打啦,然后佢仲话我真识食添原来呢个都系佢哋嘅特产之一。呢间餐厅嘅上菜速度都几快,平均等五
呢间餐厅嘅上菜速度都几快,平均等五分钟多小小就已经有得食喇。
芝士红烧牛肉面：台湾牛肉面我就食得多喇,有芝士嘅就真系未曾试过,估唔到加埋一齐嘅味道都夹得到,芝士嘅份量适中唔会太多搞到盖过哂啲红烧牛肉味,个汤底除咗红烧味之外仲有啲甜甜哋咁几特别,味道算浓啱哂啲钟意食重口味嘅朋友,大家亦可以放心呢碗面系一啲都唔辣嘅,而牛肉方面肉质真系好腍,腌得又好入味,面条亦系我比较钟意食嘅粗身质地,入口有咬劲
牛四宝汤饭：本身餐牌冇show四宝即系乜嘢,原来系牛筋+牛腩+牛𦟌+牛仔骨,见佢用个小炖盅嚟盛载住都几精致,汤底好似几清咁同埋佢仲有红萝卜+白萝卜+西芹,十分之足料姐姐都话啲牛几好味同埋够腍,见佢捞啲肉上嚟都有番咁上下大件,正
天妇罗羽衣甘蓝：呢个菜真系冇得输真系冇谂过羽衣甘蓝用嚟天妇罗系可以咁好食,炸到脆卜卜,面头层粉一啲都唔厚,食完绝对唔会觉得好肥腻,趁住佢热辣辣快啲食真系超级享受,啲菜佢本身都有落小小盐腌过下所以已经好够味唔洗点豉油已经好正
菊花冰粉：呢个甜品系跟餐送埋㗎,我冇谂过送嘅甜品佢哋都会咁用心制作,原来呢个冰花嘅质地系好似果冻咁,冰冰凉凉咁,好重嘅菊花香味,好清新,甜甜哋咁可以中和番头先主菜嘅浓味,值得一赞呀
最后就系随餐附赠嘅饮品：有三个款呀～乌梅汁啦菊花桂圆露啦同埋洛神玫瑰茶,同个职员都几好倾,佢好好人咁送多一支俾我哋,原来佢话呢几支都系佢哋餐厅自家制㗎,我拣咗支乌梅汁饮,酸酸咪咪真系啱哂我,仲觉得可以消消滞添
结果两个人食到反哂艇都只系$144蚊,饱到上头壳顶真心满足!!!我一定会再去食埋佢哋嘅晚巿打边炉牛牛等我呀！
羽衣甘蓝天妇罗
$48
108 浏览
0 赞好
0 留言
芝士红烧牛肉面
$48
63 浏览
0 赞好
0 留言
牛四宝汤饭
$48
38 浏览
0 赞好
0 留言
牛四宝汤饭
48 浏览
0 赞好
0 留言
菊花冰粉
31 浏览
0 赞好
0 留言
菊花冰粉
31 浏览
0 赞好
0 留言
乌梅汁+菊花桂圆露+洛神玫瑰茶
12 浏览
0 赞好
0 留言
张贴
