牛陣 (已結業)

落到始创中心见到三雄顶立 : 和民、pizza hut同牛阵。其实以晚市黎计,三间既价钱都差唔多,未试过牛阵就一于试下。系门口排位已经闻到阵阵吉野家牛味, 真系好吸引! 每位任食都系百二蚊个,未食都觉得抵!一入座就有三碟牛肉和豚肉! SABU!SABU!试下豆乳汤底, 果然好正!豆乳汤唔会淡贸贸, 唔点任何酱料都已经好香好好味, 反而仲食到肉的肉香!火锅配料任食, 好多野菜同菇类, 好健康! 所有野菜都好好味, 唔系求求其其的货色。特别要留意芋头! 好粉! 好粉! 仲好食过芋泥! 无添加既芋头肉斩食到甜甜地的芋头清香,食唔停口!猪腩肉片的油脂层唔腻, 仲好脆好好味! 反而瘦的豚肉就冇咁好食, 但肉味十足。牛肉唔算肥,肉质未够滑, 肥返少少就好啦!虽然火锅吧的选择不多, 而且小 ; 但都有白饭同炒饭供应, 仲夹到系杂菜炒牛肉饭!打完边炉就食甜品, 雪糕任食!有四种味:云呢嗱、芝麻、士多啤梨同香芋。应该系牛奶公司出品, 任饮都算几好味啦!环境都宽敞舒适, 果炉又够猛, 打边炉都可以环境好!最好有埋任饮啦, 因为每位要加15蚊 ; 低百二蚊位真系好抵!想食牛肉之时除左去吉野家有第二个选择啦