金銘潮州粉麵餐廳

营业中

休息中

放工去油麻地办啲事，搅掂后揾食嚟咗呢间。都唔系第一次帮衬，不过记忆唔多，今日突然想食牛杂就再嚟尝一尝。晚上7点几，客人唔多，所以座位充足，同其他食客都可以有啲距离。我就叫咗碗牛杂河。当中有牛膀、牛肺、牛大肠、牛小肠同草肚。好可惜一件金钱肚都冇，失望。牛膀薄而冇质感，其他都尚算入味，不过不失。大佬就食牛腩饭，牛腩食落都好有牛味，件件都有肥膏，甘香得嚟好邪恶。肉质都属于软冧至少唔黏牙。仲有大大嚿萝卜入晒味，腩汁浓得嚟都唔算太咸，送饭一流。食物份量适中，价钱中等，服务一般，所以CP值成正比。