東榮火鍋 (已結業)

10月最大既事就系我生日喇﹗食家话要食好尐，于是决定去九龙城打边炉﹗九龙城的东荣火锅，网上食评很不俗，今日终于有缘来试试喇﹗食物除左牛肉同海鲜之外﹗其实不太贵，一般火锅店价钱﹗亦唔收加一﹗由于得我同食家关系，无得三心两意，一于食精尐﹗食家打电话Book枱时已order定一碟最贵的牛肉，再加多半条𫠒红鱼刺身﹗生日唔再饮狮威喇，食豪尐，饮蓝妹﹗汤底点了鲨鱼软骨翅汤，大量鲨鱼骨，配上鸡件，未打边炉建议饮番两碗，好清甜呢﹗牛肉来了﹗是大既特级牛颈脊边，色水极殷红，雪花纹细腻满布，真系睇见都流口水﹗软灼十几廿秒，牛味香浓，脂香丰腴，极软滑，完全唔洗蘸任何野先系最佳食法，爱牛者必嗜，最后两个人KO咗成碟﹗$268一碟，贵得有道理﹗再来是半条𫠒红刺身﹗$258即叫即做，新鲜，鱼肉爽甜，同食家两个吃到耳仔也竖起来﹗两个人打边炉去边都贵架喇﹗这儿有6-8人套餐做紧特价，我见佢都好多野食，值得一大班人来试试﹗𫠒红的头头尾尾做了椒盐，送酒一流﹗碟野食左大半先影，样衰咗﹗最后来个油墨菜作结﹗两个人食两样野已饱哂喇﹗楼分两层，地下得五六张枱，来食饭的话记住订位，见门口有个哥仔等咗成个钟都未有枱，好惨﹗埋单$78