影片
更多
2018-05-08
497 浏览
熟悉笔者嘅朋友都知我身边有个爱吃牛嘅老公，早前从杂志得知，有间叫「616」 嘅牛肉火锅专门店，以供应本地靓牛为主打，而且听说店内嘅牛肉，部位刁钻、坊间少见，有啲甚至连名都未听过。浏览过食评，见价钱合理，今次就一于由我做向导，带牛魔老公嚟呢间西环分店试下。(哈哈！其实我都未去过，就学人做向导。)店址位于西环皇后大道西 384-386 号三多大楼地下，店内装潢非常特别，以怀旧作主题，喺装修方面加入咗地区特色，将舖面布置成海味舖、当舖、士多等不同场景，真系好似时光倒流，返咗去七八十年代咁。而当中最吸睛嘅，当然系自助酱料吧，装修到好似粮油杂货舖咁，加埋店内嘅怀旧海报、玩具、波子棋、免费扭的弹弹波、旧相机同电话等，为室内添上阵阵怀旧气息。虽然装修咁怀旧，不过餐牌就好先进，呢度系用 ipad 嚟落单嘅。先由汤底开始，原来汤底都有好多唔同款式可以拣，例如牛杂、沙嗲、酸菜等，不过今次就简单啲，叫个牛骨清汤 ($38)，至于酱料方面就每位 $10。牛骨清汤选用大量牛筒骨加药材、白萝卜和粟米等熬制，上桌时已闻到好香牛味，入口味道清甜，用嚟配浓味嘅牛肉，应该会几合拍。至于牛肉方面，款式真系好多，差啲连名都
店址位于西环皇后大道西 384-386 号三多大楼地下，店内装潢非常特别，以怀旧作主题，喺装修方面加入咗地区特色，将舖面布置成海味舖、当舖、士多等不同场景，真系好似时光倒流，返咗去七八十年代咁。
而当中最吸睛嘅，当然系自助酱料吧，装修到好似粮油杂货舖咁，加埋店内嘅怀旧海报、玩具、波子棋、免费扭的弹弹波、旧相机同电话等，为室内添上阵阵怀旧气息。
虽然装修咁怀旧，不过餐牌就好先进，呢度系用 ipad 嚟落单嘅。先由汤底开始，原来汤底都有好多唔同款式可以拣，例如牛杂、沙嗲、酸菜等，不过今次就简单啲，叫个牛骨清汤 ($38)，至于酱料方面就每位 $10。
牛骨清汤选用大量牛筒骨加药材、白萝卜和粟米等熬制，上桌时已闻到好香牛味，入口味道清甜，用嚟配浓味嘅牛肉，应该会几合拍。
至于牛肉方面，款式真系好多，差啲连名都唔识读，幸好餐牌上有张牛肉分布图，清楚列明牛肉各个部位，而店员亦会细心解释和作出推介。嚟一张大合照再逐一介绍。
先试下呢碟牛扑肉 ($48)，据服务员称，一般火锅店会将呢个部分叫做牛颈脊，但因为颈同脊嘅口感好唔同，所以餐厅会再分得仔细啲，将颈部叫做牛扑肉。睇下，油花分布均匀，入口肉味香甜浓郁。
至于呢碟牛驼峰 ($48)，其实就系牛扑肉后端颈背间的肉，间中带幼筋，食落油香和肉味比例平均。由于牛扑肉同牛驼峰脂肪比较多，店员建议我地蘸点秘制牛肉汁同柑桔汁一齐食，可以中和牛肉嘅腻感。
另外呢碟系脖仁 ($68)，属罕有限量系列，所谓脖仁即系牛颈的核心部位，油花肥嫩拼合，入口柔软嫩滑，肉味十足。
而最尾呢碟就系店员特别推介嘅，叫吊龙伴 ($68)，即系包住牛腰脊两边嘅肉，亦可称作肉眼边，食落油脂丰富，肉汁饱满。
配料方面，拣咗三款，有响铃 ($28)、豆腐 ($28) 同唐生菜 ($28)。先将响铃放喺汤内灼几秒，由于响铃外层吸满汤汁，入口外软内脆，非常正斗。嫩豆腐豆香重，质感滑溜；而唐生菜卖相亦新鲜翠绿，味道达预期般爽甜。
饮品方面，点了菊花桂圆露 ($9) 和可口可乐 ($9)，原来支桂圆露系店子自家炮制，据说无添加人造色素、香料同防腐剂，特别清热滋润。有数过店内提供的牛肉部位，原来有成 20 款，睇嚟真系要嚟多几次先可以试匀晒。
张贴
