肉料理 廣

营业中

休息中

平时食牛x多，今日试下另一间烧肉。先嚟两个烧肉拼盘先。服务员会讲解一下大概点样烧，等我地唔好浪费左咁靓嘅牛🤪，烧至自己喜爱嘅生熟度就食得。六种精选盛 $630🔸日本佐贺和牛🔸美国厚切（两款)🔸澳洲薄切（两款）最靓嘅当然系A5佐贺和牛，好多油脂，油花均匀，入口即溶，好正😍厚切嘅牛亦一啲都唔嚡口，烧到五成熟左右，入口好有质感，好嫩滑😋牛肉特选盛 $450🔹上小牛排US🔹和牛厚切上外横隔膜🔹澳洲腰脊肉🔹上里脊肉🔹三筋质素都唔差，除厚切和牛得两件外，其他款都有四件🤩，牛味浓郁，肉质都很软腍，呢个拼盘性价比颇高👍🏼韩式石锅飞驒牛肉咖哩饭 $120未试飞驒牛，就点个飞驒牛石锅饭。石锅饭端上嘅时候热辣辣，滋滋声，小心烫口烫手，有服务员帮我地将所有配料拌匀，每粒饭都沾满了咖喱同牛肉。钟意饭焦香味同硬啲口感嘅，可以等耐少少先起动😎餐后会有一球冰冻豆腐雪糕，个器皿系冻㗎，所以个雪糕🍦唔会咁快溶，好贴心💕。豆腐味浓，唔会太甜，刚刚好。