影片
更多
2018-09-03
48 浏览
自从黄埔开咗地铁之后， 多咗地方去揾美食， 今日去距离地铁站二分钟嘅民泰街揾食， 好快就畀呢间舖头吸引住。间舖头竟然放到架车， 门口摆咗好多只牛嘅座位，好打意。入到去见到好多特色墙， 有曾灶财嘅字墙， 亦有由马赛克砌成嘅画， 仲有呢啲传统街市中国挂字， 影相呃like都抵。酱油区都有多款选择， 最特别佢系鲜牛油酱油， 闻落去都好有牛味。我哋拣咗牛骨清汤底同沙嗲汤底， 牛骨都好入味， 食到我哋舐舐脷。欣赏佢哋喺餐前送上水果， 非常合符健康饮食法则。呢只澳洲和牛三角柳， 店员教我哋灼6秒， 入口即溶，牛味浓，正。黑柏叶配上冻嘅麻酱，食到索索声， 酱料配搭新鲜， 好过瘾。竟然有羽衣甘蓝做蔬菜， 贪得意叫来试下， 原来煑极都唔系好淋， 真系好有纤维。呢个紫菜卷脆卜卜，必食推介。叫埋呢两支特色饮品， 满足地完成我哋今日嘅晚餐。望下张餐纸， 原来周围都有分店， 钟意食牛嘅我地， 真系区区都有得食。
间舖头竟然放到架车， 门口摆咗好多只牛嘅座位，好打意。
入到去见到好多特色墙， 有曾灶财嘅字墙， 亦有由马赛克砌成嘅画， 仲有呢啲传统街市中国挂字， 影相呃like都抵。
酱油区都有多款选择， 最特别佢系鲜牛油酱油， 闻落去都好有牛味。
我哋拣咗牛骨清汤底同沙嗲汤底， 牛骨都好入味， 食到我哋舐舐脷。
欣赏佢哋喺餐前送上水果， 非常合符健康饮食法则。
呢只澳洲和牛三角柳， 店员教我哋灼6秒， 入口即溶，牛味浓，正。
黑柏叶配上冻嘅麻酱，食到索索声， 酱料配搭新鲜， 好过瘾。
竟然有羽衣甘蓝做蔬菜， 贪得意叫来试下， 原来煑极都唔系好淋， 真系好有纤维。
呢个紫菜卷脆卜卜，必食推介。
叫埋呢两支特色饮品， 满足地完成我哋今日嘅晚餐。
望下张餐纸， 原来周围都有分店， 钟意食牛嘅我地， 真系区区都有得食。
张贴
