響 - Hibiki 日本燒肉 (已結業)

今日约埋朋友大食一餐，贪心的我，每样都想试下，梗系去食放题啦！ 好友介绍呢间烧肉放题。上网睇过口碑都唔错 即刻book位先！餐厅喺佐敦楼上舖地方宽敞 一嚟到已经座无虚席。 而家每人送半只龙虾，四位或以上仲额外赠送 喜之次 一条！烤鱼 喜之次新鲜优质 烧烤外 外皮松脆 焦香扑鼻 肉质嫩滑多汁!和牛烧肉呢度出名烧肉食材高质， 急不及待即刻点咗澳洲和牛西冷、澳洲和牛腹腔、美国牛肋骨和米泽三元豚西冷。和牛西冷，油脂甘香，牛味浓沃。牛腹腔软熟烟韧有嚼口。封门柳脂肪少，肉质嫩滑鲜甜。 牛肋骨，脂肪分布均匀，阵阵焦香特别惹味! 一口牛柳粒，嫩滑juicy有口感！炸物天妇罗，炸得好脆冇油益味，特有松叶蟹天妇罗，肉质嫩滑鲜甜！芝士年糕，包裹著芝士软心，外皮脆炸香口，一咬开软滑芝士即时溢出，芝香味浓！餐厅设有自助区， 提供各式汽水和酒类 、清酒、梅酒、红酒和啤酒都有齐。仲有精致甜品、雪糕和雪条，可惜未食到甜品都已经饱晒了！