千里屋食堂 (已結業)

本身系牛肉控既我心瘾起，所以约左朋友去铜锣湾既千里屋食堂度食A5和牛同安格斯牛肉。食店装修好日本风，而且真系有日本人系度食饭。佢地有丼，和牛套餐，安格斯牛肉，寿司，小食，清酒提供。不过我地都系钟情于牛，所以就叫左和牛铁板3种 (HKD 298)同埋黑安格斯牛肉涮涮牛肉套餐 (肩胛部) (HKD 189)，而饮品就要左可乐同雪碧。先黎既系安格斯牛套餐。佢会提供一个锅，装有蔬菜，金菇同埋清汤，俾我地煮熟安格斯牛肉的，有shabu shabu既感觉。另外个套餐内有肉，前菜，渍物，白饭，味噌汤和日式橙醋。安格斯牛肉脂肪同肉质分布平均，肉质鲜嫩，分量又多，点埋佢地既秘制酱汁，一个字正。味噌汤味道唔算浓，几清淡。至于前菜都几精致。跟住黎既就系和牛，有五花腩，肩脊同内脊3种肉，有味噌汤同日本饭，亦有栗米，西兰花。最值得一提既就系佢有wasabi，海盐同秘制既甜酸酱可以佐送牛肉。分量都唔细，和牛味道好好。个人黎讲最钟意个海盐，同和牛好衬。