極品靚鍋 (已結業)

嘩朋友又帶我食好西。今次嚟咗荃灣食打邊爐放題， 地方闊落又好坐。一入門就見到多種飲品同蔬菜，全部都任食。對住QR code掃一掃就可以落單喇揀咗鴛鴦鍋，椰子雞湯湯底清甜，雞又滑嫩。 椰子即場切開，好新鮮。冬陰功湯底夠辣又夠酸，泰式風味濃。每種肉類上面都有名牌，食肉獸唔怕食錯其他肉。最愛澳洲短角牛肉眼，牛味濃，上等牛肉，又唔會老。安格斯肥牛， 油花相對較多，口感飽滿。 極黑和牛，油花分佈豐富，細緻口感。 美國封門柳油花比較少 口感相對有咬口。花膠 滑溜滑溜，骨膠原高。生蠔，青口，勁大隻又新鮮。海蝦，帆立貝都彈牙新鮮。