Steak Bar (已搬遷) 新店位置

系酒吧林立嘅兰桂芳到，竟然可以发现吉烈牛嘅踪影，仲要系地舖，不过真系地方浅窄，成间舖嘅座位唔多，坐满都可能得15人左右，同埋都真系几逼，枱櫈都系高嘅，所以坐得唔系太舒服。相信我已经系坐系最好嘅位置，就系向住街嘅方向，有少少尴尬，因为途人经过都会见到我食唔停口嘅食相，但系脚都算可以伸展一下食物种类唔算多，主要都系牛肉为主，我同男朋友就叫咗两款唔同嘅牛肉套餐黎试下，首先黎嘅系顶级板腱牛扒，隔离仲要写住每日限量，所以食唔食到，可能都系天注定，哈哈~ 职员无询问过牛扒要几成熟，切开一睇系大概七成熟黎，都系我平时我钟意食嘅熟度，不过如果唔食得太生，就建议主动同餐厅讲。七成熟嘅牛扒口感异常地软淋，而且肉汁丰富，唔会又干又粗糙，表面仲有几片炸蒜片，配牛肉一齐食，超级惹味，香港人都系钟意食饭多啲，尤其系日本珍珠米，呢碗珍珠米表面仲洒上紫菜调咪料，淡淡米香，夹埋牛肉一齐食，真系齿颊留香啊~另一个套餐系吉烈炸牛扒，牛扒沾咗炸粉再拎去炸，外层已经炸得香脆，但系入面嘅牛肉就未熟嘅，套餐会跟埋一个铁板炉，食前要将生牛扒放上去煎香，可以按自己口味，煎至七成熟或者再熟啲都可以，口感同前一道牛扒一样嫩滑，虽然牛肉味唔