616牛肉火鍋專門店 (積富街)

营业中

休息中

天气凉凉地就想打边炉，今次去左大围果间616牛肉火锅专门店。装修走怀旧风，有以前粮油杂货舖感觉，系等位既时候忍唔住影几幅相打下卡。建议打电话book枱，因为多人食既关系，walk in既要等差不多30 - 45分钟。虽然走怀旧风，但用ipad落单绝对方便。鸳鸯汤底拣左新推岀既酸菜汤底同牛骨清汤底。舖头好细心，连垫枱纸都画埋牛既部位同渌既时间，跟住叫就最好不过。肉类叫左匙柄，三花腱，卦门柳，吊龙伴，其他就叫左羽衣甘蓝，向铃同乌冬。酸菜汤底好好食呀，渌个乌冬落去，简直系止到我对酸辣粉既瘾!啖啖肉好正呀，整体对牛既认识多左，原来牛可以咁爽，咁腍，咁juice。客人仲可到自助吧调较酱料，记住试个牛肉汁同青柠，绝对系味觉提升！616仲有段优惠: 晩上19:15前结账离座 或 后入座 均享有88折。