影片
更多
2016-02-19
1193 浏览
APM系官塘地标，亦系我嘅主场，放工放假行街买𩠌都留低唔少脚毛。今晚过嚟睇完戏，众里寻他，就试吓呢间我从来未帮衬过嘅拉面店。 一入门口就知间舖系由系香港人经营嘅，点解？就系争咗句「易喇沙易孖些而」啰。店内装修以全黑做主调，墙上少不免有装饰品，但都带唔出餐厅主题，纯粹人有我有。不过舖面光猛干净，值得一赞。 叉烧拉面@白武骨$75每次试拉面都会食最基本嘅叉烧拉面，因为基本嘢人人识做，但更显师傅功夫。猪骨汤底鲜甜，稍稍油腻，叉烧同MENU张相一样，有半只碗咁大，半肥瘦，入口松化，粗身面条够烟韧，吸收晒汤汁一齐食，正。溏心蛋用酱油浸过，外面蛋白咸香，蛋黄流心，又系加分位。但略嫌配料唔够丰富，如果有粟米粒同笋就更加正。 豚角煮@白武骨$75汤底同配菜都一样系猪骨汤，只系大大块叉烧换上厚切猪腩肉。五花腩肉肥瘦相间，煮得入味，虽然系厚切但入口松化，可见煮得够火候，比叉烧更出色。 武藏煎饺子$38饺子包得饱满，煎得干脆，馅料切得幼细，嫩滑多汁，除咗大阪王将，少有食到咁好食嘅饺子。 武藏炸鸡配芥末沙律酱$35炸鸡食得多，但原来酱汁先系关键
APM系官塘地标，亦系我嘅主场，放工放假行街买𩠌都留低唔少脚毛。今晚过嚟睇完戏，众里寻他，就试吓呢间我从来未帮衬过嘅拉面店。
一入门口就知间舖系由系香港人经营嘅，点解？就系争咗句「易喇沙易孖些而」啰。店内装修以全黑做主调，墙上少不免有装饰品，但都带唔出餐厅主题，纯粹人有我有。不过舖面光猛干净，值得一赞。
白武骨叉烧拉面
$75
32 浏览
0 赞好
0 留言
叉烧拉面@白武骨$75
每次试拉面都会食最基本嘅叉烧拉面，因为基本嘢人人识做，但更显师傅功夫。猪骨汤底鲜甜，稍稍油腻，叉烧同MENU张相一样，有半只碗咁大，半肥瘦，入口松化，粗身面条够烟韧，吸收晒汤汁一齐食，正。溏心蛋用酱油浸过，外面蛋白咸香，蛋黄流心，又系加分位。但略嫌配料唔够丰富，如果有粟米粒同笋就更加正。
白武骨豚角煮
$75
28 浏览
0 赞好
0 留言
豚角煮@白武骨$75
汤底同配菜都一样系猪骨汤，只系大大块叉烧换上厚切猪腩肉。五花腩肉肥瘦相间，煮得入味，虽然系厚切但入口松化，可见煮得够火候，比叉烧更出色。
武藏煎饺子
$38
22 浏览
0 赞好
0 留言
武藏煎饺子
$38
26 浏览
0 赞好
0 留言
武藏煎饺子$38
饺子包得饱满，煎得干脆，馅料切得幼细，嫩滑多汁，除咗大阪王将，少有食到咁好食嘅饺子。
炸鸡配芥末沙律酱
$35
36 浏览
0 赞好
0 留言
武藏炸鸡配芥末沙律酱$35
炸鸡食得多，但原来酱汁先系关键。呢份唐扬炸鸡，蘸上薄浆去炸，鸡肉稍稍腌过，少少咸多多脆，中规中矩，但一食埋个芥末沙律酱，微辣清新，啲热气油腻感觉无晒，甜甜辣辣好开胃，成份鸡即刻好食好多，依枝棒呢！
上撰黑松白鹿生贮藏酒300ml$68
少有喺拉面店饮清酒，但食炸鸡嘅最佳拍档就系日本酒。酒味清冽，顺喉，尤其今次热饮，挥发出酒味，配炸嘢食仲滋味。
通常拉面店都只专注做面，小食通常系弱项，难得今日食到高水准小食，比起食到豚角煮更惊喜，下次想饮酒倾偈，又多个好去处喇。
张贴
