牧羊少年與他的浮萍

营业中

休息中

生日就系明正言顺食好啲啦，今次就黎左同样都系牧羊少年咖啡店餐厅旗下餐厅，但系感觉就好唔同啦。呢一间餐厅感觉同气氛比较 fine dinning 一啲。位于文化中心地下位置，都几私密。明太子康提芝士蟹肉墨西哥夹饼墨西哥夹饼馅料好丰富，有大大条明太子之外，仲有蟹肉牛油果，Taco亦脆卜卜，样样唔同口感，明太子配埋少少辛辣，清新又开胃。海胆黑鱼子酱蟹肉猫耳朶粉海胆汁好浓郁而且杰身但顺滑，仲可以包住每一粒猫耳朶粉，猫耳朵粉粒粒弹牙，间唔中食到几粒黑鱼子酱，咸咸香香，带来小惊喜外，仲无咁腻亦都唔太滞，睇落份量唔多，但两个人share 嘅话岩岩好啦。澳洲M4安格斯西冷及香烤蔬菜佐牛烧汁M4 唔油腻，西冷五成熟啱啱好，无筋仲好易咬开，蔬菜配左牛烧汁亦都惹味。苹果批伴雪糕最后甜品叫左苹果批，presentation 精致，雪糕大大球。苹果批热辣辣，雪糕冻冰冰配搭得好好，苹果批唔太甜之外，外层唔会好厚。事前问左职员帮手写上生日快乐字句，朋友都好开心！