影片
更多
2021-06-15
4588 浏览
之前喺唔同地方都帮衬过文青至爱嘅「牧羊少年咖啡馆」，原来最近佢仲喺港岛区插旗添⛳️。铜锣湾店位于Fashion Walk商场地下层，即系喺正LOG-ON楼下。星期五晚上嚟到餐厅，预期中要等位先有得食。攞筹嘅方法系自行影低屏幕个预约页面，到时再显示比店员睇，悭返啲纸，系一个环保之举♻️。题外话，呢度嘅店员几好礼貌，特别系门口𠮶位男士。餐厅座位唔算特别多，但感觉似有两层，因为店内有楼梯级。呢度嘅装修设计几靓，行型格路线😎，但印上竹林图案嘅墙身又带点小清新嘅味道。由于唔太肚饿，所以就唔系嗌咗好多咸食🍽。菜式选择丰富，有沙律、小食、薄饼、意粉同肉扒等，定价算合理，但如果有提供套餐就更佳😬。留意返，有部份食物唔系全日供应㗎。黄金咸蛋苦瓜忌廉鸡肉意大利粉($98)，🍝意粉好大碟，热辣辣送上。我拣呢款系贪佢够特别，但出到嚟发现原来唔太啱我味蕾🙈。因为苦瓜偏甘苦，唔似凉伴𠮶啲变清爽；而咸蛋就有流沙嘅质感，但味道偏淡。整体略嫌唔够咸同笠身咗啲，不过口味嘅嘢因人而异，可能系我重口味吧😜。照烧汁煎干蒜牛柳粒($78)，呢个小食一啲都唔小，粗略估计牛柳粒有超过廿粒！🐮牛柳粒配上照烧汁食劲夹，而且仲加埋炸蒜，真系惹
星期五晚上嚟到餐厅，预期中要等位先有得食。攞筹嘅方法系自行影低屏幕个预约页面，到时再显示比店员睇，悭返啲纸，系一个环保之举♻️。题外话，呢度嘅店员几好礼貌，特别系门口𠮶位男士。
餐厅座位唔算特别多，但感觉似有两层，因为店内有楼梯级。呢度嘅装修设计几靓，行型格路线😎，但印上竹林图案嘅墙身又带点小清新嘅味道。
由于唔太肚饿，所以就唔系嗌咗好多咸食🍽。菜式选择丰富，有沙律、小食、薄饼、意粉同肉扒等，定价算合理，但如果有提供套餐就更佳😬。留意返，有部份食物唔系全日供应㗎。
黄金咸蛋苦瓜忌廉鸡肉意大利粉($98)，🍝意粉好大碟，热辣辣送上。我拣呢款系贪佢够特别，但出到嚟发现原来唔太啱我味蕾🙈。因为苦瓜偏甘苦，唔似凉伴𠮶啲变清爽；而咸蛋就有流沙嘅质感，但味道偏淡。整体略嫌唔够咸同笠身咗啲，不过口味嘅嘢因人而异，可能系我重口味吧😜。
照烧汁煎干蒜牛柳粒
$78
33 浏览
0 赞好
0 留言
咖啡馆又点少得甜品呢🍮️？其实你当呢度系甜品店都得。甜品制作需时，你预食到咁上下就同店员讲可以准备定。
法式黑糖姜汁梳乎厘配云呢拿雪糕
$88
21 浏览
0 赞好
0 留言
卡鲁哇咖啡酒提拉米苏($68)，作为提拉米苏专员嘅我当然唔会错过食Tiramisu嘅机会☕️。甜品以杯装上，大大杯，层次分明。但佢嘅口感同平日食开嘅唔同，芝士层似打溶再制，中间亦加入咗朱古力粒，同传统嘅有别🤔。佢有自家特式，但尚未能吸引到我。
苹果蜜桃鲜打红茶($52)，第一下望到红茶嘅时候，我以为系咖啡，由于系鲜打，所以不乏泡沫🍹。茶味清香唔苦涩，🍎苹果味较蜜桃味突出，味道完胜用浓缩果汁冲制𠮶啲。
总括嚟讲，牧羊少年确系有佢嘅卖点👍，虽然今餐未必每款食物都好合我心意，但并唔代表佢质素有问题。价钱方面，佢分分钟比起旺角楼上Cafe还要平。喺同价嘅情况下，我谂唔到有乜原因会唔拣佢。最后，我上载埋餐厅嘅完整餐牌以供参考，佢本餐牌都特别过人㗎，成本杂志咁📚。
张贴
