影片
更多
2016-03-18
1552 浏览
差唔多晏昼就带佢哋两个落去屋企附近嘅「牧羊少年」食Lunch以前刚开业嘅时侯嚟食过真系好好味...但系今次就我哋嚟嘅时侯都差唔多十二点几应该都系正午嘅时侯最多人但系门口都只不过得一枱朋友等紧我哋只系等第二张枱！可能因为星期六少D人？里面坐满好多文青...哈哈！真系咩店坐咩人所以我带住两个小朋友入嚟食好似格格不入咁里面环境都系同以前嚟过嘅一样！充满旅游气息，有好想自己一个人揹住背囊流浪嘅冲动后尾都嚟咗D小朋友先至觉得冇咁怪！哈哈我叫咗一碟肉酱意粉同埋一个All-day-breakfast!仲记得呢度嘅All-day-breakfast好靓同好好食呢度嘅餐牌都好有Style，好似自己去咗台湾咁！呢度仲有个书柜，听闻系可以自己带本旅游书就换一杯免费咖啡饮不过都系开业𠮶阵嘅Gimmick，隔咗一排都唔系太见过仲有人带书嚟换咖啡本来谂住叫Hysan走出去睇吓有冇书可以睇系系系....我明！我知道全部都系旅游书，但系我谂住可能会有D文青Style有卡通插画嘅旅游书嘛！唔睇书就食嘢啦！先嚟咗个餐汤罗宋汤同餐包个餐包都仲好似以前咁好食，不过个汤就酸咗少少Hysan同芊芊饮咗一啖就唔肯再走之后就嚟肉酱意
差唔多晏昼就带佢哋两个落去屋企附近嘅「牧羊少年」食Lunch
以前刚开业嘅时侯嚟食过真系好好味...但系今次就
我哋嚟嘅时侯都差唔多十二点几应该都系正午嘅时侯最多人
但系门口都只不过得一枱朋友等紧
我哋只系等第二张枱！可能因为星期六少D人？
里面坐满好多文青...哈哈！真系咩店坐咩人所以我带住两个小朋友入嚟食好似格格不入咁
里面环境都系同以前嚟过嘅一样！充满旅游气息，有好想自己一个人揹住背囊流浪嘅冲动
后尾都嚟咗D小朋友先至觉得冇咁怪！哈哈我叫咗一碟肉酱意粉同埋一个All-day-breakfast!
仲记得呢度嘅All-day-breakfast好靓同好好食
呢度嘅餐牌都好有Style，好似自己去咗台湾咁！
呢度仲有个书柜，听闻系可以自己带本旅游书就换一杯免费咖啡饮不过都系开业𠮶阵嘅Gimmick，隔咗一排都唔系太见过仲有人带书嚟换咖啡
本来谂住叫Hysan走出去睇吓有冇书可以睇
系系系....我明！我知道全部都系旅游书，但系我谂住可能会有D文青Style有卡通插画嘅旅游书嘛！
唔睇书就食嘢啦！先嚟咗个餐汤罗宋汤同餐包个餐包都仲好似以前咁好食，不过个汤就酸咗少少
Hysan同芊芊饮咗一啖就唔肯再走
之后就嚟肉酱意粉佢个肉酱系用牛肉整，起初我仲以为系猪肉
佢哋两个好快就清哂成碟意粉
我都冇机会食，所以评唔到分，究竟掂唔掂！
不过可以令佢哋食得咁快，应该都唔差！哈
好喇好喇我期待咗好耐嘅All-day-breakfast嚟啦....点知个样超级削(Shirk)......点解会变成咁㗎
系我失忆唔记得咗定系佢跌咗Grade
我记得以前唔系咁样衰㗎㖞
唔想讲咁多，一个字「难食」
就算唔系难食，总之我觉得碟嘢只值40蚊
唔食得又唔睇得...连ig出post嘅意欲都冇埋
最后只望大家快快手食完埋单拜拜就算喇...
张贴
