上海天龍樓

营业中

休息中

以前经过呢头，都会入去食下呢间老店。贪佢老字号，好味道，仲有人情味。今日再去，好似唔同哂咁。。。餐厅都系以前咁多人，不过唔使点等就有位了。照以前，都系上海三宝，另外再叫左一个小食同一个菜。上海粗炒，我今次上海碎乱炒。。。啲菜呢就粗过宽粉，有啲仲一大旧咁。肉丝就变左水碎，总知你每次只可夹面菜肉其中一样，佢个大细系唔会俾你一齐夹到。☹️酸辣汤，完全唔同左个味。好淡，唔酸唔辣，完全成左一啖就要放弃。。。鸡丝拉皮，呢个比之前好味翻啲，块水晶皮爽口弹牙。但个汁油左咁多既。火腿津白，以前钟意食系因为佢整出来啲菜都好有火腿味。。。但今次你一啖火腿一啖菜先可以感受到。最重要既小笼包，形状不一。有啲个皮一早烂左，一啲就一夹就烂，无一个食到有一啖汁。肉味都仲系几重既。究竟系我个人大左口味变左，定呢间铺已经物是人非？唯一无变系，食完俾钱有得抽奖，仲中左个云吞鸡添。不过都难令我再来回味。