影片
更多
2018-01-17
652 浏览
一直想试呢间餐厅好耐，直到今日终于有时间前来光临。睇餐牌有咁多款虾都唔知试边款好，款款都好吸引，最后拣咗咸蛋黄虾。当落完order就见到店员喺门口个水缸到捞啲虾出来，有种西贡食海鲜嘅感觉！比我嘅感觉成件事都好透明均真。一上菜啲咸蛋黄依然沸腾中，热油逼晒啲咸香出来。骤眼望呢度嘅蛋黄虾同外边食到嘅唔同，呢度食到嘅似乎油比较多，但蛋黄丁上；外间食嘅咸蛋黄系mash溶去然后黏在虾壳上，所以永远都只系个壳有味。可能系有别一般嘅煮法，所以只只虾都入晒味，连虾头入面都传来啖啖咸香。一锅有七只虾左右，只只都好饱满结实，虾肉好弹牙唔霉，而且好多金黄色嘅膏！二百零蚊，两个人食份量啱啱好，唔会太腻又够饱，个人认为如果三个人食嗌两锅先够！系虾锅来前叫咗两款小食：一口豆腐＆醉鸡卷。豆腐似乎加咗鱼肉，所以偏向弹牙口感；亦都略嫌唔热，呢款的确有少少失望。不过醉鸡卷就好好食！酒味好浓，加入冰糖令到酒味更易入口，而且每件都入晒味，鸡卷已去骨，present得都好靓。另外再叫咗个清炒羽衣甘蓝。第一次食羽衣甘蓝，未食前我suppose草青味较浓，原来口感近似豆苗，清甜爽脆，90几蚊本身我认为有少少贵，但系份量都多，而且上汤
当落完order就见到店员喺门口个水缸到捞啲虾出来，有种西贡食海鲜嘅感觉！比我嘅感觉成件事都好透明均真。
一上菜啲咸蛋黄依然沸腾中，热油逼晒啲咸香出来。骤眼望呢度嘅蛋黄虾同外边食到嘅唔同，呢度食到嘅似乎油比较多，但蛋黄丁上；外间食嘅咸蛋黄系mash溶去然后黏在虾壳上，所以永远都只系个壳有味。可能系有别一般嘅煮法，所以只只虾都入晒味，连虾头入面都传来啖啖咸香。一锅有七只虾左右，只只都好饱满结实，虾肉好弹牙唔霉，而且好多金黄色嘅膏！二百零蚊，两个人食份量啱啱好，唔会太腻又够饱，个人认为如果三个人食嗌两锅先够！
系虾锅来前叫咗两款小食：一口豆腐＆醉鸡卷。豆腐似乎加咗鱼肉，所以偏向弹牙口感；亦都略嫌唔热，呢款的确有少少失望。不过醉鸡卷就好好食！酒味好浓，加入冰糖令到酒味更易入口，而且每件都入晒味，鸡卷已去骨，present得都好靓。
另外再叫咗个清炒羽衣甘蓝。第一次食羽衣甘蓝，未食前我suppose草青味较浓，原来口感近似豆苗，清甜爽脆，90几蚊本身我认为有少少贵，但系份量都多，而且上汤底炒出来嘅味道的确并非一般屋企做到，所以呢款值得一试。
食完先喺门口报章得知虾锅系台南特色菜式，大厨兼老板夫妇系台湾人，难怪店里头挂满台湾吊饰。
整体来讲，对于钟意食虾嘅人呢度的确值得一来，食物本身有质素，店面有格调又清静，唔驶同人迫，现场所见客人以少妇同OL占多，所以钟意坐得舒服，轻轻松松食下海鲜嘅人不妨可以考虑呢度。
张贴
