スーパー丼 (駱克道) (已結業)

今日同老婆去咗铜锣湾食晏，间舖头名叫做Superdon 门口已经有一个好大块嘅Menu喺度一目了然。有晒食物相睇同埋价钱，睇啱就即刻入去坐低嗌嘢食唔使烦。我地叫咗一个鹅肝和牛饭丼（老婆超钟意食鹅肝），一个极上北海道丼（店员さん大推）😋再加一杯巨峰calpis乳酸。每一款丼饭都会陪一碗汤同一个前菜小食，讲 下个鹅肝和牛饭先，和牛唔系油脂丰富果一种和牛肉，所以会有咬口不过唔系韧𠮶种，配搭已经淋喺上面带啲甜味嘅酱汁。鹅肝口味超浓郁，但本身唔系鹅肝爱好者所以留返俾老婆食大旧啲😝（老婆好钟意食）然后就系寿司饭啦！食材分量充足，铺满晒喺个饭上面！个海胆真系好好食🤤唔系一般嘅质素，唔会有一大浸劲腥臭味，入口好鲜甜同埋食到少少海水嘅咸味而且分量唔少😋帆立贝又大粒，三文鱼子唔会劲腥，再配吞拿鱼腩蓉同埋油甘鱼刺身，真系超级好味！埋单连加一$397有鹅肝、和牛、鲜味海胆！抵食！