花貝日本料理 (已結業)

另一半生日，梗系带佢去食好嘢。朋友介绍铜锣湾呢间日本料理，朋友一般都好嘴刁！所以跟佢唔会错，果然冇失望。入到去环境高级，我哋都好期待d食物。我哋拣咗怀石料理套餐，因为寿司都食得多啦，想试吓其他嘢。开胃菜整体酸酸甜甜，非常开胃，亦都好啱我胃口，因为我钟意食酸嘢。然之后有刺身拼盘，比想像中多款式，竟然有金目雕！之前日本食过觉得好好味，估唔到香港都可以食到！带子亦都非常鲜甜，劲大粒。八爪鱼刺身，非常钟意佢酸酸甜甜嘅调味。然后到煮食，首先系煎鱼，中间嘅蒜蓉调味非常惹味，成件事加埋好香口，好好味。之后系和牛，佢嘅摆盘好有心思，首先有个袋装住，打开咗之后就可以点和歌山椒粉食，听师傅讲呢种调味料唔系周围都有得食！系佢公司特登喺日本选购返嚟，又真系好好味😍呢个配搭第一次是，好正。另外隔离仲有个有炸皮嘅巨峰提子，又系第一次食，但系非常正，外面脆，入边有巨峰提子爆汁，劲甜😋牛肉方面都系非常之美味，牛味好香。全部食物都好味，当中超级钟意呢一个蟹膏捞饭，非常足料，佢嘅酱铺满饭之余仲要系好有厚度，捞极都有！而且佢调味超级好味，有啲Creamy但系又唔会漏，仲有啲蟹肉，总之成件事好足料，超好味！超级难忘。另外佢嘅