影片
更多
2008-04-06
46 浏览
正所谓食过返寻味, 师傅早几日再次光顾呢间食店, 都系去食餐晏饮餐茶, 感觉仍然系正!预早订定位, 一行五人准时到达, 知客带位内进! 今次师傅被安排坐得比较入, 发觉呢间食店地方都颇大, 于是乎坐底开茶, 再慢慢柯打点心!由于友人极力推介师傅要试呢度猪肺汤, 于是便向侍应落单, 点知非常之唔好彩, 猪肺汤售罄, 师傅好失望唯有叫另一个鸡脚炖响螺汤, 再叫其他点心, 有炸鱿鱼酥, 蟹粥, 炸两, 灌汤饺, 萝卜丝酥饼, 虾饺, 虾肠, 萝卜糕, 小笼包, 珍珠鸡, 凤爪, 牛肉同埋煎饺子等等!先讲下个鸡脚炖响螺汤, 汤底好浓冇味精, 好正; 炸鱿鱼酥炸得好通好脆, 鱿鱼本身就好腍, 好正; 蟹粥粥底好绵, 而蟹肉就好鲜好甜, 一d都唔腥, 掂呀; 炸两油炸鬼好香好脆, 而肠粉就好滑, 得; 灌汤饺汤底好清好甜, 个饺就好大只, 仲有鱼翅添, 份量以灌汤饺黎讲真系唔算少, 好正; 萝卜丝酥饼一碟三小只, 萝卜丝好嫩好甜, 一d都唔苦, 入面够汁一d都唔干身, 而酥饼够松脆, 正呀; 虾饺依然系皮薄馅靓, 虾肉好爽口, 好味; 虾肠虾肉又系好爽口, 而肠粉好够滑, 正呀; 萝卜糕煎得好香,
预早订定位, 一行五人准时到达, 知客带位内进! 今次师傅被安排坐得比较入, 发觉呢间食店地方都颇大, 于是乎坐底开茶, 再慢慢柯打点心!
由于友人极力推介师傅要试呢度猪肺汤, 于是便向侍应落单, 点知非常之唔好彩, 猪肺汤售罄, 师傅好失望唯有叫另一个鸡脚炖响螺汤, 再叫其他点心, 有炸鱿鱼酥, 蟹粥, 炸两, 灌汤饺, 萝卜丝酥饼, 虾饺, 虾肠, 萝卜糕, 小笼包, 珍珠鸡, 凤爪, 牛肉同埋煎饺子等等!
先讲下个鸡脚炖响螺汤, 汤底好浓冇味精, 好正; 炸鱿鱼酥炸得好通好脆, 鱿鱼本身就好腍, 好正; 蟹粥粥底好绵, 而蟹肉就好鲜好甜, 一d都唔腥, 掂呀; 炸两油炸鬼好香好脆, 而肠粉就好滑, 得; 灌汤饺汤底好清好甜, 个饺就好大只, 仲有鱼翅添, 份量以灌汤饺黎讲真系唔算少, 好正; 萝卜丝酥饼一碟三小只, 萝卜丝好嫩好甜, 一d都唔苦, 入面够汁一d都唔干身, 而酥饼够松脆, 正呀; 虾饺依然系皮薄馅靓, 虾肉好爽口, 好味; 虾肠虾肉又系好爽口, 而肠粉好够滑, 正呀; 萝卜糕煎得好香, 唔系太粉有萝卜味, 可以; 小笼包又系出色, 皮薄而里面够汤, 肉身够松, 又唔会一夹就穿, 掂呀; 珍珠鸡就几细只, 都几好味; 牛肉真系几牛肉下, 冇咩沟猪肉, 好味; 凤爪就好腍好入味, 而煎饺子都仍然系油d, 一般啦!
总括黎讲食物质素好好, 环境绝对舒服, 唔会好嘈吵, 服务又好, 始终系价钱贵少少, 不过都可以接受, 师傅有时宁愿黎呢度饮餐茶, 始终觉得呢度有质素, 物有所值, 下次都会再黎!
张贴