Pancake Colours Cafe & Bar (已結業)

劳动节补假,去尖沙咀行街食饭, 念起上次黎食d野都几ok，今次决定同另一半再encore, 试吓唔同既野其实因为之前扫左街，所以叫左好少野食, 剩系叫左椒盐鸡亦同黑松露芝士海鲜意大利饭同埋T骨牛扒。椒盐鸡亦: 有好食既炸鸡亦既特质, 咪即系外脆内嫩，腌得好入味! 好食到停唔到口!黑松露芝士海鲜意大利饭: 如果系外国人未必会钟意食，因为D意大利饭好软熟, 唔似正宗果D好似生米咁俾人食, 而黑松露芝士汁好味，不过食唔到黑松露味，可能同黑松露本身味道比较清淡有关，海鲜有帆立贝、虾、青口、SQUID、洋葱等，份量同味道都几OK!T骨牛扒: 呢个较为失色，想食优质既牛扒似乎唔应该系度食，所以我不对此牛扒作评价了!整体黎讲，虽然唔可以话超好食， 系尖沙咀区，有得食, 有得玩，又可以坐吓慢慢倾计, 以呢个价钱绝对可以接受, 我念我下次都会再试其他野食!