影片
更多
2011-06-27
4 浏览
因为朋友最近搬咗去旺角约好去探佢就即上OPENRICE睇下食咩,选址旺角见食评唔错又唔贵仲好近个FD屋企就决定呢间.九点几去到都好FULL,好彩近门仲有2个位唔使等.一睇餐牌头𠮶2页已经觉得好抵，精选二人套餐包头盘,餐汤，甜品，主菜全部可任择2款，主菜最贵都系$188，再睇后面有啲正啲嘅扒，可加$转餐，另有晚餐都唔过$100，最扺都系个二人餐唔使$200梗系呢个啦。餐汤可+$转龙虾汤,可惜买晒,其他有杂菜汤,蘑菇汤及周打鱼~~周打鱼比较淡,有啲鱼肉.另有2片蒜茸多士(好硬)头盘细细碟一人份刚好~~维珍尼火腿凯撒沙律有2片不薄火腿(比街市买到嘅火腿咸少少及结实啲)+2粒面包粒+菜~~焗生蚝得1只唔可以share就选咗蟹肉蟹子苹果沙律~~唔知点`解沙律酱会甜咗但苹果新鲜.薯茸焗田螺~~超正薯茸焗得刚好少少脆边而且系有味,田螺都有6粒 $42主菜~~鹅肝西冷5成跟薯菜:初头嚟错跟饭同意粉,侍应即时换,鹅肝唔够香口而且好像用鹅肝酱煎成(不过1$1分货,餐牌内有得点已经吸引),鹅肝下一样有多士呢件仲硬,西冷5成系超水准内部半生又唔会流血水,有好多高级餐厅都未必做到,估唔到系薯菜用原粒细薯仔一分二
九点几去到都好FULL,好彩近门仲有2个位唔使等.
一睇餐牌头𠮶2页已经觉得好抵，精选二人套餐包头盘,餐汤，甜品，主菜全部可任择2款，主菜最贵都系$188，再睇后面有啲正啲嘅扒，可加$转餐，另有晚餐都唔过$100，最扺都系个二人餐唔使$200梗系呢个啦。
餐汤可+$转龙虾汤,可惜买晒,其他有杂菜汤,蘑菇汤及周打鱼~~周打鱼比较淡,有啲鱼肉.另有2片蒜茸多士(好硬)
头盘细细碟一人份刚好~~维珍尼火腿凯撒沙律有2片不薄火腿(比街市买到嘅火腿咸少少及结实啲)+2粒面包粒+菜~~焗生蚝得1只唔可以share就选咗蟹肉蟹子苹果沙律~~唔知点`解沙律酱会甜咗但苹果新鲜.
薯茸焗田螺~~超正薯茸焗得刚好少少脆边而且系有味,田螺都有6粒 $42
主菜~~鹅肝西冷5成跟薯菜:初头嚟错跟饭同意粉,侍应即时换,鹅肝唔够香口而且好像用鹅肝酱煎成(不过1$1分货,餐牌内有得点已经吸引),鹅肝下一样有多士呢件仲硬,西冷5成系超水准内部半生又唔会流血水,有好多高级餐厅都未必做到,估唔到系薯菜用原粒细薯仔一分二配杂菇,其他餐厅见惯系薯条/薯饼配西兰花红萝卜仔.
甜品~朱古力心太软及蓝莓心太软+绿茶雪糕(雪糕都有3种比你选),朱古力嚟讲个FD觉得佢甜咗啲,我就觉蓝莓重奶味咗.
红酒~选了375细支,侍应话呢支DRY啲,初时入口微酸,过15分才觉好饮,但好快已经变得唔好,我同个FD都钟意饮红酒,但就系未识选1支整顿饭都觉好饮的
以为3佰多埋单就OK,张单到咗要5佰多,原来所谓精选二人套餐(任择2款)系X2个主菜$$,这儿我觉得被误导,不过5佰多有酒又有鹅肝牛扒都不贵了.
张贴
