影片
更多
2013-09-09
13809 浏览
之前已到过逸亭餐厅食自助晚餐，印象不错，虽然地方不大，但胜在食物质素在水准之上，而且refill 得很快，所以一直都想再来一试。见到openrice 有65折coupon, 好似好抵咁，就决定来试一试这里的自助午餐。见到之前有啲食评话啲野有时好快无晒，所以我同朋友专登12点半左右就到，等自己可以试多啲款式坐低之后，急不及待就出去睇下有啲咩好野食，兜左个圈，啲野都几靓㖞！先试左刺身寿司沙律冷盘既counter，刺身有三种，试左最钟意食既三文鱼同鱼立鱼，好新鲜，负责切刺身既师傅一啲都唔手软，好大方咁每样都切左6,7块俾我，我即刻分左几块俾友人，因为我要留肚食其他野吖吗！隔离仲有摆两盘寿司，款式比较大路，不妨一试。即叫即切既日式刺身，够新鲜再行过啲，就系海虾、青口同蚬，三样都够鲜味，尤其系虾同蚬，衬埋啲酸酸甜甜既汁，真系几开胃！ 大大兜冷面拚盘，虽然我个人唔系好食冷面，但见厨师咁有心机排得咁靓，都忍唔住要影番张相上黎同大家share一下！食完冷盘，开始进攻热盘啦！呢度热盘既款式都算ok 多，有鱼,有牛舌,有猪颈肉等等，其中一样不得不提，就系个咖哩羊腩啦！咖哩够晒香浓，再配埋侧边啲薄饼食，真系
见到openrice 有65折coupon, 好似好抵咁，就决定来试一试这里的自助午餐。见到之前有啲食评话啲野有时好快无晒，所以我同朋友专登12点半左右就到，等自己可以试多啲款式
坐低之后，急不及待就出去睇下有啲咩好野食，兜左个圈，啲野都几靓㖞！先试左刺身寿司沙律冷盘既counter，刺身有三种，试左最钟意食既三文鱼同鱼立鱼，好新鲜，负责切刺身既师傅一啲都唔手软，好大方咁每样都切左6,7块俾我，我即刻分左几块俾友人，因为我要留肚食其他野吖吗！隔离仲有摆两盘寿司，款式比较大路，不妨一试。
即叫即切既日式刺身，够新鲜
再行过啲，就系海虾、青口同蚬，三样都够鲜味，尤其系虾同蚬，衬埋啲酸酸甜甜既汁，真系几开胃！
大大兜冷面拚盘，虽然我个人唔系好食冷面，但见厨师咁有心机排得咁靓，都忍唔住要影番张相上黎同大家share一下！食完冷盘，开始进攻热盘啦！呢度热盘既款式都算ok 多，有鱼,有牛舌,有猪颈肉等等，其中一样不得不提，就系个咖哩羊腩啦！咖哩够晒香浓，再配埋侧边啲薄饼食，真系食到唔停得口呀！
呢个咖哩羊腩，食完第一round 已经好快俾人"笔"晒，仲好失望咁唔知要等几耐先出既时候，点知waiter 好快就refill 啦！ 不过我食左2 round 都停手了，皆因我仲要留肚食第二啲野吗！呢度仲有一个面档 (上次黎食夜晚都有)，一次过有好多种面同配料任客人自己配搭，好似打边炉咁, 有各式各样既丸, 肠仔, 菇等，友人食左话几好味, 但我无试, 因为我对以下呢样兴趣大啲！
对于喜爱食肉既我黎讲，lunch buffet 以咁既价钱有烧牛肉食，已经系有十个喜了！食到呢度，都系时候来到甜品呢一part 啦，除左喜欢食肉，甜品亦是我所爱，试左斑兰蛋糕同自制格仔饼 (再加2 球dreyers) ，再食左mini 葡tart+豆腐花+几杯杯仔甜品，另再饮左一杯可乐+一杯coffee+一条"支支冰"，系呢个moment, 我已经可以用饱到"动弹不得"黎形容自己了
总结：用左openrice coupon, 加埋一一人都系150 左右，虽然甜品款式系略嫌小左啲，但以呢个价钱黎讲，绝对系物超所值，抵食到不得了！
题外话/补充资料：
openrice coupon 65折
(以上食记乃用户个人意见 , 并不代表OpenRice之观点。)
张贴
