相馬日式火鍋 荔枝角

营业中

休息中

去工厂大厦食饭，虽然唔似得大商场咁五光十色，但工厂大厦相对租平，用较平价钱食到好嘢的机会相对较大。今晚呢间火锅放题就系一个好例子。澳洲和牛火锅放题 $388一开始其实有啲挣扎应唔应该选择最贵套餐。好彩最后都无做错决定。牛肉真系好新鲜，呈血红色，并唔系好似其他火锅放题店咁样，去到客人面前仲系结冰状态，雪藏至变成瘀血色。而且油脂同肉比例刚刚好，加上切得好薄，水滚渌十秒刚刚好食得。油香、肉味，皆出色。除咗牛肉其余火锅配料都好相当OK, 尤其系蔬菜，种类多，而且非常新鲜。餐厅环境宽阔，冷气够。几时嚟打边炉都系好选择。