琛夜食堂 (已結業)

今晚相约旧同事食饭，拣咗厚福街哩间「琛夜食堂」试试。一入门口就见到个好靓嘅露台，加上台内装修简洁，感觉唔错！餐牌上选择都唔少，除咗有串烧外，更有薄饼、意粉、炒饭….因为要Keep Fit，所以主打海鲜为主😝我哋点咗生蚝、烧鲍鱼、圣子、青口、牛舌、冬菇、鱼干，同埋差不多每枱都有叫嘅玉子烧。生蚝：新鲜、有淡淡嘅海水味烧鲍鱼：烧汁加埋鲍鱼嘅爽口，真系好正👍🏻蒜蓉烧圣子：蒜蓉加上圣子嘅鲜味，好有大排档嘅感觉，圣子都算大只蒜蓉烟肉烧青口：虽然冇圣子咁大只，但有烟肉的点缀，味道都唔错烧牛舌、冬菇：牛舌爽口多汁，冬菇加上木鱼丝都OK玉子烧：加上蟹子同芝士一齐烧，内软外香，份量都几多味淋鱼干：简直系我嘅至爱，鱼干烧得刚刚好，好鬼香脆、送酒真系一流西班牙特式烤乳猪多士：乳猪通常系去饮先食，原来配多士一齐食，又几特别㖞！乳猪唔肥，仲有层肉汁，加上多士都几好味以为食海鲜会冇咁饱，点知都系满载而归咁走😂下次要试下烧肉先得