Plato Cafe & Bistro (彌敦道) (已結業)

喺Openrice订咗枱食晚餐，准时到达即刻入座，一坐低水同餐牌就已经准备好。环境唔错，坐就都算系舒服。Dinner set先有Openrice个88折优惠，咁就梗系叫Dinner set。有好多选择，丰俭由人。最后加左$28升级咗龙虾汤，食唔到龙虾肉，但汤都好浓味，稠度都算适合。主菜拣咗西班牙黑毛猪鞍架，煎得几香，外层少少脆，入面啲肉都唔韧。有三分一肥肉、三分二瘦肉，比例都可以嘅。味道未算好有味，但点埋个汁就几好啦。薯条都炸到好香脆。个人就唔钟意食沙律所以就算啦。Dinner set包一杯$34饮品，我补$10叫咗杯Cuppercino，个拉花劲得意，系3D猫肉球（定熊？），个人唔钟意florish嘅blend，不过都OK。服务方面都几好，人客唔算好多，上菜加水埋单都快手。总括而言，都食得几开心，物有所值。