影片
更多
2013-08-27
4170 浏览
知道朋友喜欢High Tea，所以喺团购网见到呢个套餐就即刻买咗相约尝鲜，由原价$299 减到$138 + $13.8(加一服务费)，因为团购野食都一定要早几日Book定，所以都醒水早成个星期打去，当然轻轻松松有位。不过去食当日因为未去过呢间，所以都揾咗几分钟，因为门口唔系向大街，所以行咗成个圈先发现到入口。可能𠮶𠮶时段都系食呢个High Tea团购，所以我系第一位入场嘅客人，所以见到之后入嚟嘅客人都系叫呢个Tea Set。讲翻环境真系唔错，高贵、整洁，名副其实嘅高级地区食府，重点系门口对内街，睇翻出去个View几好，而且亦比较静。整个Tea Set共有3层，虽然外表睇落去唔系顶级精致，不过看起来都相当唔错。顶层嘅就系「英国皇室朱古力饼」、「比利时窝夫伴特级雪糕」嘅雪糕同「咖啡忌廉泡芙」， 雪糕溶得好快！而且同窝夫分开左放，令我完全唔记得左系一齐食嘅，所以就先食咗雪糕先。朱古力饼成块朱古力砖咁，甜得好过份，要饮水冲淡翻浸味。反而个咖啡忌廉泡芙味道平衡得几好，值得一赞。中层嘅就有「日本和牛汉堡」、「法式鹅肝汉堡」、「焗田螺伴黑松露薯蓉」同「芝麻脆虾方块」，汉堡只算系不过不失，反而焗田螺薯
可能𠮶𠮶时段都系食呢个High Tea团购，所以我系第一位入场嘅客人，所以见到之后入嚟嘅客人都系叫呢个Tea Set。讲翻环境真系唔错，高贵、整洁，名副其实嘅高级地区食府，重点系门口对内街，睇翻出去个View几好，而且亦比较静。
整个Tea Set共有3层，虽然外表睇落去唔系顶级精致，不过看起来都相当唔错。
顶层嘅就系「英国皇室朱古力饼」、「比利时窝夫伴特级雪糕」嘅雪糕同「咖啡忌廉泡芙」， 雪糕溶得好快！而且同窝夫分开左放，令我完全唔记得左系一齐食嘅，所以就先食咗雪糕先。朱古力饼成块朱古力砖咁，甜得好过份，要饮水冲淡翻浸味。反而个咖啡忌廉泡芙味道平衡得几好，值得一赞。
中层嘅就有「日本和牛汉堡」、「法式鹅肝汉堡」、「焗田螺伴黑松露薯蓉」同「芝麻脆虾方块」，汉堡只算系不过不失，反而焗田螺薯蓉很不错，芝麻脆虾虽然好香，不过食落去就比较多油。
最底层嘅就有3款唔同嘅香草蕃茄包（烟三文鱼、蜜桃鸭胸、巴马火腿），味道唔错而且块包几松软，意外地好食。而原本伴雪糕食嘅比利时窝夫就唔知点解放左系呢层，虽然无咗雪糕，但估唔到就咁食窝夫都好够味，而且烘焗得软硬度适中，第一次食到咁好食嘅窝夫。
Tea Set仲包2杯餐饮，就叫咗冻咖啡同冻柠茶，虽然就唔会有咩特别，但高级食店质素你明嘅。
整体嚟讲可以百几蚊有得High Tea，质素绝对唔差，而且份量算系多，我同朋友无食Lunch都食饱咗，加上咁靓环境，如果再搞团购真系要再战！张贴
