瀛豐放題料理專門店 (已搬遷) 新店位置

星期三夜晚打电话去 book 位，第一个接听系 call 台接线生，首先要先讲低自己想几时几月几日几多人订位，然后大约两个钟头之后，餐厅就会打电话返嚟确认时间。到咗星期四晚，餐厅再打电话过嚟确认一次，而且会问想食普通放题定系大闸蟹放题。星期五晚上 19:30 准时到达餐厅，Reception Area 都有大约六至七个客人在等待，同侍应报到之后，等咗大约五分钟就有位坐低。餐厅有提供湿纸巾，不过就冇提供口罩套。餐厅以手机落单形式叫嘢食，系统界面就麻麻哋，流畅度一般，不过比起人手落单都算方便。餐厅上菜时候快，亦冇乜漏单，大闸蟹由落单到送货，都不多于五分钟，整个放题时段叫过四次大闸蟹，每次嘅送货时间都好平均。餐厅方面标榜每只大闸蟹大约有三至四两重，现实见到都系差唔多，而且每只都有好多膏，鲜味属于中上，食多几只就好容易回本。其余的刺身、寿司、串烧、炸物等等，质素都系属于中上，并冇将货就价，值得推荐。