The Starred

营业中

休息中

成日经过都好多人，今日星期六（禁蒙面法正日）6点bk到730嘅台，同女友黎食。价位由一百到二百五，系筲箕湾最近价位黎讲唔算贵。餐前汤系紫薯忌廉汤同番茄杂菜汤，上台嘅时候唔系热嘅扣分，味道正常。面包都系冇咩特别，会俾油醋你点，橄榄油冇乜味。叫左一个猪扒，十分之出色，season到位，两面煎得脆口但冇𢙐味，烧汁几夹，fat cap都有煎晒，唔会成口生猪油味。另外叫左慢煮牛脸肉，其实，慢煮就好难会难食㗎喇，时间够就林，呢间都做到，不过加分处系d牛肉本身牛味好强，份量好足。扣分系d小椰菜同萝卜仔唔好食，其实呢d菜不嬲都唔好食，薯蓉普通，冇牛油味，唔系滑身嘅种。