嵩記牛什

营业中

休息中

呢间舖头平时成日行过都冇入过去，点知有日凌晨12点几，个friend拉咗我入去，仲话呢间野好好食。结果食完今次，呢间野就成为咗我宵夜之选。首先个男店员（唔知系咪老细）好有礼貌，对客人亲切仲好有同理心。做你一碗$30牛腩面嘅生意，有咁嘅服务而家真系冇乜可能。牛腩嘅分量多，有筋膜少少肥肉，面爽口弹牙。怕肥可以同佢讲要瘦腩，怕面硬又可以叫佢煮淋啲。店员一啲脾气都冇，你肯讲佢就做比你。$30咁嘅服务去边度揾？仲要系好食，绝对物超所值！利申一下，我食亲都系夜晚11点后，11点前个用餐体验有冇可能会变？呢个我就唔知啦。