影片
更多
2016-12-23
176 浏览
海鲜同火锅，都系我同男朋友嘅至爱，如果将两样加埋一齐，就最完美喇！最近搭车经过见呢度开左间新火锅店，主打海鲜，所以就趁星期五晚忙完放工后，两口子黎好好叹下。呢度位置唔算多，感觉好多食客都系附近街坊街里，可能系新开嘅关系，餐牌选择简单唔花巧，就系两个海鲜套餐，分别$198/位或$268/位(两位起)，丰俭由人，男朋友话好耐无出黎食好西，所以一于叫个贵啲嘅餐啦！呢个餐劲豪华，真系会食到哗哗声！鲍鱼、龙虾、面包蟹、蛏子、元贝、龙趸等高级海鲜一应俱全，应有尽有，海鲜以外仲有鹿儿岛黑豚肉同手切本地肥牛，睇到个menu心情已经好兴奋、好期待！呢度嘅海鲜都睇得出好新鲜，我地都听职员建议拣左个比较清嘅汤底，因为佢好自信话佢地嘅海鲜来货靓，用清啲嘅汤底就最食到食材嘅原汁原味。果然无介绍错，清汤完全起到提鲜作用，又唔会盖过海鲜原来嘅味道。龙虾肉好鲜甜，肉都唔少，两个人食好满足，我地劲担心整得过熟会浪费左，好在职员都好热心提我地几时食得！而鲍鱼口感就好爽脆，平日通常系清蒸，原来配打边炉都几夹，好食得出肉质鲜美。男朋友系蟹迷，佢以专家口吻激赞呢度啲面包蟹够爆膏，食落好饱满甘香。蛏子同元贝都洗得好干净，无沙够弹
呢度位置唔算多，感觉好多食客都系附近街坊街里，可能系新开嘅关系，餐牌选择简单唔花巧，就系两个海鲜套餐，分别$198/位或$268/位(两位起)，丰俭由人，男朋友话好耐无出黎食好西，所以一于叫个贵啲嘅餐啦！
呢个餐劲豪华，真系会食到哗哗声！鲍鱼、龙虾、面包蟹、蛏子、元贝、龙趸等高级海鲜一应俱全，应有尽有，海鲜以外仲有鹿儿岛黑豚肉同手切本地肥牛，睇到个menu心情已经好兴奋、好期待！
呢度嘅海鲜都睇得出好新鲜，我地都听职员建议拣左个比较清嘅汤底，因为佢好自信话佢地嘅海鲜来货靓，用清啲嘅汤底就最食到食材嘅原汁原味。果然无介绍错，清汤完全起到提鲜作用，又唔会盖过海鲜原来嘅味道。
龙虾肉好鲜甜，肉都唔少，两个人食好满足，我地劲担心整得过熟会浪费左，好在职员都好热心提我地几时食得！
而鲍鱼口感就好爽脆，平日通常系清蒸，原来配打边炉都几夹，好食得出肉质鲜美。
男朋友系蟹迷，佢以专家口吻激赞呢度啲面包蟹够爆膏，食落好饱满甘香。蛏子同元贝都洗得好干净，无沙够弹牙。龙趸片望落晶莹剔透，新鲜程度爆灯！
呢个价钱，呢个质素，除左讲一句「物超所值」之外，都唔知讲咩好luu~~LOL~
张贴
