川粵米線大王 (已結業)

重庆口水鸡米线|$37今日自己一个黎到呢间位于红磡必嘉街嘅小舖，虽然舖头睇落就唔系好起眼，不过朋友介绍话几好食同正宗，所以就嚟咗试吓。正唔正宗我就唔识分，不过听到舖头入面有啲客讲普通话（重庆人？）所以断估应该都几地道😂。叫咗个口水鸡米线，米线好弹牙，微辣汤底啱晒我呢啲钟意食辣但又唔系好顶得信嘅人。唯一美中不足嘅系啲鸡冇咩肉食🙈不过$37连野饮都算系物超所值嘅，下次会叫多几个朋友试埋唔同嘅小食。