金沙日西料理 (已結業)

前晚同男友两个去食，由于6点半前去到，所以叫到好多人话抵的黄昏套餐。我们分别点了一个55蚊的滑蛋猪排饭同85蚊的海胆鱼生饭。结果好失望,因为两个主菜都唔好食。猪排好干，无咩肉味，不过见佢55蚊就由佢啦。但佢鱼生饭要成85蚊,质素似垃圾就唔可原谅,鱼生唔多又无鱼味,d饭就好多,但可惜似隔夜冷饭,搞到我要捞鼓油先食得入口。前菜的刺身都好唔得,得3块好细块,又唔新鲜,颜色暗哑,我挑了一块较似样的吃,其余2块比百毒不侵的男友食。好奇怪,呢间野d主菜难食,但前菜例如沙律同蒸蛋反而几好味,雪糕都唔错。服务方面,个人感觉都几差,2碗饭未食够一半就问仲要唔要,之后又问左几次。当食到一半时,又唔出声咁无啦啦放低2杯雪糕然后走左去,无奈地惟有先解决2杯雪糕先再食饭。你话如果假日爆场都情有可原,但前晚是平日,由我们入座到离开都唔full,都唔知佢赶咩。埋单140两个人,单看价钱唔贵,但我却觉得物非所值,因为食物质素同服务实在太差。食完今次真是无下次了。同意”李生大猪”所讲,宁愿食大家乐好过。