甜品工房 (已結業)

甜品工房刚开张不久时，我去试过他们的紫葡之恋，觉得不错，不久后又去吃了一次。5.1假期前一日放工后去尖沙咀晒相，等攞相时又去甜品工房食野。因为气管唔舒服就无食紫葡之恋，叫左个最普通既芒果豆腐花，$37.5，加埋加一$40埋单，贵过晒聪嫂满记，不过我无谂过会有几咁好食，总之普普通通咁我就收货啦。攞上黎先食芒果，豆花上只有唔系好多既芒果粒，芒果唔酸又唔甜，完全无芒果味，我都无乜所谓。但个豆花既味好熟，同埋唔系一般豆花咁，系喺一桶里面铲出黎咁一片片，而系细细旧烂烂地咁。因为偶然有食开，我好快就睇得出呢碗野系超市有得卖既盒装百福豆腐花，捣烂左后装碗。点解会睇得出呢？有食过既人就知百福豆腐花个胶盒有啲纹路，底下四角系圆角，碗野捣得唔够烂，我睇到其中一只角就知。开得甜品舖卖$40一个芒果豆花，我唔求特别好食，唔求你好似公和咁日日新鲜自家制，但都唔系买现成几蚊鸡盒现成盒装豆腐花加几粒芒果当系一个甜品架？为左掩饰仲捣到一旧旧，仲衰过自己喺超市买黎食。花左半个钟lunch time打呢篇野真系好浪费时间，但系唔讲出黎真系唔顺，从来无食过咁无诚意既甜品舖！