海鮮山醉辣火鍋

营业中

休息中

二人龙虾餐$698连加一服务费酱汁等杂费埋单$800以上，扇贝变带子已经蚀左，象拔蚌仔有沙，蚬肉唔知去左边得返个壳。食完海鲜下面𠮶层所谓火锅料根本无嘢好食，几件豆卜枝竹之类成功击退食欲，如果两个人想食饱应该要过千蚊，呢个价钱唔会考虑再食，味道麻麻，食蒜味同辣味而已，海鲜新唔新鲜好难讲至少唔系雪藏。整体上唔系嫌佢贵，只系觉得性价比低。深知出街食饭系食人工，但系呢个价钱感觉赚得太尽，海鲜成本假设全部都系新鲜只系三百以下，建议薄利多销好过无回头客。