鐵板超

营业中

休息中

今日同男朋友庆祝生日，佢话想食铁板餐就揾到呢间系尖东新开嘅日式铁板料理餐厅发现佢做紧午市优惠，12:30-4:45 入座6:30前离座全单有66折，真系超抵，呢个价钱绝对抵食！我哋被安排坐喺霸位，前面系可以望到厨师整理菜式，容许你近距离观摩。我哋拣咗二人前$2188帆立贝配龙虾呢个套餐！首先套餐都包括沙律，面豉汤同前菜。之后就到欺辱厨师都会喺你面前介绍各种新鲜嘅食材，日本北海道带子大大粒，烧到半熟再加鲣鱼汤食落超鲜甜。仲有主角大大只嘅龙虾，你会见到海鲜非常生猛，龙虾仲识郁，厨师仲会用火枪去烧一烧，龙虾着晒火，带比你视觉嘅惊喜。味道当然冇得弹啖啖肉火候刚刚好！之后仲有法国鹅肝煎多士，见到件鹅肝分泌嘅油，再用返啲油嚟到煎香件多士，整体配搭十分之完美，口感丰富。所有海鲜食材都绝不马虎，保证新鲜进口，我哋都食得好满足，超级推介。