容記小菜王 (已易手)

无可否认容记既小菜的确做得比人地出色，求其叫个豆豉鲮鱼油墨菜又好，五香肉丁豆腐之类既罐头野都可以整得好好食，其他菜式更加比美心、东海之类好得多，而价钱方面亦拍得住呢两间，除左少量菜式四、五十有交易外，其他郁下都七十、九十，甚至过百，所以容记每晚九点半后做小菜七折特价，不过自从佢生意好左之后，大部份小菜后面加左特价两个字，特价即系冇得再折，冇任何告示贴出黎讲特价菜冇得再折，埋单出柜面求其俾个总数就叫你俾钱，之后觉得唔o岩数时候问佢先讲，我觉得呢种生意手法真系好有问题，不过或者佢地觉得做街坊生意，食惯个个都知挂？天下第一鸡好入味又够软熟，而例牌即系半只，通常九点半后会所剩无几，招牌烧肉我觉得系先烧后炸，所以保持到外皮脆卜卜，肥廋比例适中，但亦非常肥腻，其他菜式求其叫都几好食，唔驶点介绍，反而要提一提大家特价时段份量会少左；环境几恶劣，坐著枱斯文客旁边都还好，坐著枱豪情奔放既街坊隔离嘈到拆天都几恶顶，嘈到连单都落唔到，餐具方面系胶碗胶匙羹配即弃木筷子，同坐多阵都腰骨痛既冇椅背圆胶櫈，地面有多少油渍，门口外面近日少左马伕同Ｄ流莺都叫做好Ｄ，否则热闹程度同入面不遑多让，总括上同朋友黎食就ＯＫ，拍