影片
更多
2011-12-05
67 浏览
大前日(2-12-2011 Fri)妈妈过身三周年o既日子,晏昼请假同爸爸大哥食个lunch后去拜妈妈,佢o地先揾位,会合o左佢o地就递纸叫o野食.1. 煎堆一碟三个,size适中,原来里面系豆沙馅,唔太甜亦够软绵,唔错.2. 猪脚姜份量唔太多,有一只蛋,四件猪脚同几件姜,醋汁有好多.大哥唔食猪脚,爸爸只食姜,其余就益晒我.猪脚只有一件唔够腍,姜醋汁酸酸甜甜,好味.3. 凤爪排骨饭我冇食到,爸爸同哥食晒.4. 煎萝卜糕一碟四件,我夹第一件散晒,料系有萝卜丝同腊味,虽然唔多但都算香,亦食得出阵阵胡椒粉味.5. 芒果糯米糍食食吓,有位部长sell芒果糯米糍,我爸爸呢个芒果怪,唔理我o地叫o左8样o野食,就要一碟.我都食吓先,原来芒果味唔系o系馅o度,而系加o左入糯米皮内,而馅系白白o既忌廉,呢个芒果味唔太重,但食o左又唔觉得好漏.6. 烧卖冇乜问题.7. 潮州粉粿一笼四个,size唔大,呢个馅唔系咁惹味.8. 煎粟米鲮鱼饼三件都几大件,煎得几脆,不过鲮鱼唔多,味道一般.9. 鸡扎卷得几大件,内里有件几大件o既雪藏鸡肉,重有蟹柳同火腿,鱼肚就唔多.呢个味道都系正常啦.呢餐埋单$151.00
1. 煎堆
一碟三个,size适中,原来里面系豆沙馅,唔太甜亦够软绵,唔错.
2. 猪脚姜
份量唔太多,有一只蛋,四件猪脚同几件姜,醋汁有好多.大哥唔食猪脚,爸爸只食姜,其余就益晒我.猪脚只有一件唔够腍,姜醋汁酸酸甜甜,好味.
3. 凤爪排骨饭
我冇食到,爸爸同哥食晒.
4. 煎萝卜糕
一碟四件,我夹第一件散晒,料系有萝卜丝同腊味,虽然唔多但都算香,亦食得出阵阵胡椒粉味.
5. 芒果糯米糍
食食吓,有位部长sell芒果糯米糍,我爸爸呢个芒果怪,唔理我o地叫o左8样o野食,就要一碟.我都食吓先,原来芒果味唔系o系馅o度,而系加o左入糯米皮内,而馅系白白o既忌廉,呢个芒果味唔太重,但食o左又唔觉得好漏.
6. 烧卖
冇乜问题.
7. 潮州粉粿
一笼四个,size唔大,呢个馅唔系咁惹味.
8. 煎粟米鲮鱼饼
三件都几大件,煎得几脆,不过鲮鱼唔多,味道一般.
9. 鸡扎
卷得几大件,内里有件几大件o既雪藏鸡肉,重有蟹柳同火腿,鱼肚就唔多.呢个味道都系正常啦.
呢餐埋单$151.00
张贴