Patisserie Tony Wong Dessert Cafe (已結業)

周末系元朗揾黎揾去都揾唔到特别既生日蛋糕，行过Yoho戏院前面，有间好高级既店舖，终于揾到的特别的既蛋糕！原本以为只系食甜品既Cafe，原来佢的蛋糕都好出名！好精致既蛋糕🎂全部样都好特别，有细款蛋糕仔，可以买个细既试左味先买大蛋糕。今次买左个 士多啤梨野苺拿破仑蛋糕呢个拿破仑蛋糕其系必选！100分满分！饼底好脆，中间既拿破仑唔会一切就碎开晒，吉士酱唔会太甜太腻！加埋好甜既士多啤梨，同酸酸地既野苺，好开胃！呢个真系劲岩口味！另一个系 开心果配士多啤梨蛋糕，外层一粒粒嘅系开心果，绿色嘅系白朱古力，冇乜开心果味，成个蛋糕8成系白朱古力味，另外果两成系士多啤梨馅嘅味道。对于我来讲系偏甜，卖相满分，味道普通，呢个蛋糕麻麻哋。