影片
更多
2024-12-27
98 浏览
圣诞节，系一个好好嘅原因去食好嘢，见下爱嘅人，亦都奖励下自己过去一年嘅努力！呢晚去咗Oouli，走香港少见嘅韩式fine dining路线，而且主打韩籍大厨嘅釜山家乡美食，好有新鲜感！餐厅环境都好靓，由于位于铜锣湾Sugar+高楼层，所以窗边落地玻璃可以坐拥维园及维港壮丽景色，景观一流。临近节日，餐厅亦换上圣诞布置，充满气氛。Oouli全部海鲜及食材都系韩国直送，最特别嘅系呢度嘅米，竟然系自家韩国农田种！原粒韩国珍珠米新鲜剥壳，再用蒸饭机在客人席前蒸煮，所以Tasting Menu有多款菜式都以米入馔，如 ：釜山粥、人参鸡汤饭、珍珠米饭配鳗鱼汤等！ 9-courses Tasting Menu ($1480pp)Oouli Bu Gak紫苏油炸及三次风干的釜山海苔及济洲海藻两款紫菜味道及风格都好不同，海苔味道突出，紫苏油好香浓！Jagal -Chi刺身拼盘，三款都系来自韩国－－左口鱼刺身、72小时酱油大虾及酱油三文鱼。虽然个人都系觉得日本刺身好食D，但将刺身配撘韩式辣酱一齐食都系几特别嘅配搭！Deul Kkae - Juk韩国当造特色蔬菜、韩牛、新鲜蚬肉、及自家大米15小时以上烹调天气
Oouli全部海鲜及食材都系韩国直送，最特别嘅系呢度嘅米，竟然系自家韩国农田种！原粒韩国珍珠米新鲜剥壳，再用蒸饭机在客人席前蒸煮，所以Tasting Menu有多款菜式都以米入馔，如 ：釜山粥、人参鸡汤饭、珍珠米饭配鳗鱼汤等！
9-courses Tasting Menu ($1480pp)
Oouli Bu Gak
紫苏油炸及三次风干的釜山海苔及济洲海藻
两款紫菜味道及风格都好不同，海苔味道突出，紫苏油好香浓！
Jagal -Chi
刺身拼盘，三款都系来自韩国－－左口鱼刺身、72小时酱油大虾及酱油三文鱼。虽然个人都系觉得日本刺身好食D，但将刺身配撘韩式辣酱一齐食都系几特别嘅配搭！
Deul Kkae - Juk
韩国当造特色蔬菜、韩牛、新鲜蚬肉、及自家大米15小时以上烹调
天气冻，食粥特别暖胃！釜山粥比广东粥更加浓稠，而且以新鲜蚬肉高汤熬制，味道鲜甜，而韩国粥有一个重点，就系芝麻油，呢度嘅芝麻油芝麻味好香，口感好滑，韩国米饼脆片增添香脆嘅口感。
Han - Ip
章鱼片、韩国橡子果冻配炸豆腐鳕鱼籽三文治
韩国橡子果冻切成菊花状，尽显刀功，味道带酸，清新开胃。炸豆腐鳕鱼籽三文治外脆内嫩！
Bo Yang -Sig
韩式参鸡汤烩饭
饭粒好绵，上枱后店员再喷上人参酒，增添酒香，味觉及嗅觉享受！
Jili - Tang
海鲜清汤配烤釜山鲍鱼
海鲜高汤味道清甜，打成泡沫多了轻盈嘅口感，釜山鲍鱼弹牙爽口，碟边洒上韩式辣椒粉，增添风味。
主菜 Jan Chi +$180
烤韩国顶级1+＋韩牛
韩牛肉质柔软juicy，肉味香浓！
烤釜山鳗鱼
鳗鱼肉质结实爽弹，带辣嘅海鲜酱好醒胃！
JinSu - Sung Chen
釜山自家农田珍珠米饭配48小时鳗鱼汤加五种时令釜山伴菜
不愧为店内招牌！唔好以为平平无奇，系我食过最好食嘅白饭！白饭米香十足，口感好绵，好好食！另外仲有五款时令釜山伴菜，每款都好送饭！
Hu - Sig
糯米年糕窝夫饼配自家制Vanilla 雪糕
有D似麻薯，外面焦脆，内里软糯，同雪糕一齐食，冰火交融，好满足嘅一个甜品！
张贴
