雪下覓炙

营业中

休息中

男朋友好钟意韩烧，经过海运大厦见到呢间韩烧几高级，门口都闻唔到油烟味，即刻试下😂我地叫左秋季推出嘅秋风烟熏盛馔💰1088，成个套餐内容好丰富前菜传统韩式前菜，有辣泡菜、腌萝卜、辣萝卜、海带丝、麻油芽菜、麻油菠菜、薯仔沙律同埋芝士蛋卷，除左蛋卷，其他都系无限任食，同埋烧肉一齐食，正🥰🥰酱油盛盒呢个盛盒好丰富，有酱油虾、带子同埋鲍鱼，全部食材都好新鲜，带子鲜甜，鲍鱼爽口，加埋香甜酱油，更加带出食材鲜味，男朋友话个酱油虾好好食，食埋我个只😂秋风烟熏盛馔（烧烤）呢个组合有和牛牛小排、和牛牛肋肉、和牛三筋肉同埋和牛牛舌，上台已经觉得牛肉啲纹理好分明，油脂丰富，入口充满油香，店员会用烟熏方式处理啲肉，烧黎食会有一阵烟熏味道，好味😋济州赏馔（五花肉、梅花肉）呢间铺头嘅五花肉同埋梅头肉都好好食，五花肉肥瘦相间，烧到焦香最好食，梅花肉就口感软身啲，两个肉都可以搭配生菜同韩国黄豆酱一齐食，更有一番风味🥰炸酱面主食我地拣左炸酱面，好细心分左两碗上，面条煮得适中，弹牙爽口，加埋自家制炸酱、里面有肉碎、青瓜丝、鸡蛋等，食到好满足😌精选甜品系我最钟意食嘅brownie，上台系暖暖地，朱古力味好浓，食落质感绵软湿润