Chibee Chicken and Beer (已結業)

之前系铜锣湾见过佢嘅分店，Chibee Chicken and Beer开头无认真望个名以为系分西餐嘅，一入门口见到甘可爱嘅LOGO，好似曾志伟以前𠮶个无敌将门人啊。唔系食西餐，系欧巴嘅炸鸡，但又觉得唔多似一般嘅韩式餐厅，反而有少少似酒吧嘅感觉，环境有少少暗，但又令人好放松，都系点个例牌炸鸡嚟试试呢间店嘅实力先，炸鸡好脆，当然要蘸D酸辣酱先够好食，唔系无咩特色。卡邦尼年糕都系韩国例牌菜，味道都几OK喇，年糕唔软唔硬，口感几好。泡菜就食得多，泡菜薯条真系第一次听，点可以唔点嚟试下呢，听个名就觉得几期待，平时番茄味薯条就经常食，薯条睇上去同普通嘅无咩唔同，但食过先知味道原嚟真系唔同，比平时食嘅薯条多左浓浓嘅泡菜味，刚开始食觉得唔习惯，但食多几条又觉得味道几特别，可以接受。