龍鳳號 (裝修中)

观塘区真系特别多台湾嘢食，今日又来到其中一间叫龙凤号嘅台湾餐厅食好西啦，本人都比较钟意台湾嘅嘢食，呢间台湾嘢就位于观塘工厂区既骏业街，佢哋嘅装修都几特别，枱櫈都系以木为主题，我哋就叫咗啲好特别嘅台湾嘢试吓叫咗出名既肉燥汤新竹米粉同埋姐姐凉面，每间台湾菜都会有肉燥坐阵，因为呢间第一次嚟，所以就梗系要叫最传统嘅嘢食下啦，佢嘅肉燥面真系同出边嘅有啲分别，我唔系好食得出佢里面加咗啲咩酱料，但佢比较特别，味道系唔错嘅，但都系肉燥比较少，新竹米粉面质都唔错，软硬适中，成个份量啱啱好，而佢嘅姐姐凉面其实即系素嘅冷拌面，里面嘅酱料有麻酱，青瓜等，食落嘅感觉凉凉的，夏天都几开胃另外我哋嗌咗两款好特别嘅小食，分别系紫菜柠香素鱼同埋大肠，佢既素鱼做到好似真嘅鱼肉一样，里面嘅都系由腐竹处理而成的，紫菜代替左鱼皮，成个感觉好正，而大肠方面佢绝对冇腥味，好爽口，份量都多，下面有豆腐，都入味👍🏻👍🏻最后嗌咗两杯嘢饮，一个系热嘅芋泥鲜奶，一过系冻既桂圆雪梨茶，可能影相嘅角度会细杯左啲，其实佢好大杯，饮落甜味唔算好多，但我觉得啱啱好，芋泥都几多，好棉，至于雪梨茶佢系无添加，冇防腐剂的，外型特别，饮落清清地特别开胃😋😋