影片
更多
2021-04-14
100 浏览
今日系周年纪念日，所以特登选咗一间高级少少嘅西餐 💓💓💓 系永光中心2楼，地点有少少偏僻，不过餐厅环境好静好舒服，略暗嘅灯光同轻音乐令成个人好放松，想大赞一下侍应，真系服务好好，餐单都解释得好详尽，野食上嘅时间都岩岩好，仲有问我地要唔要多份餐包呢！因为第一次食，所以我地两个叫左唔同嘅menu share, 个人更喜欢five course menu ! 海鲜真系新鲜到喊，无论系生蚝、白海老、带子定鳕鱼，全部都好高质，够新鲜就已经好够！Five course menu首先有时令生蚝🦪，配上青苹果同青柠雪葩，生蚝肥美饱满，系爽口风味，味道清淡，加埋个酱汁几开胃！另外前菜仲有日本白海老刺身，又叫令和之怪物号，佢个摆盘靓到不得了，下面系蓝色液体配合干冰，好似一个富士山🙈，上面小碟系富山湾白海老配酱油渍三文鱼籽，酱汁系香橙啫喱同青酱，份量偏少，但白海老唔会话因为切碎而霉，仲系弹牙爽口，配酸酸嘅香橙啫喱有少少新奇。之后嘅北海道带子配上青口忌廉酱同奶泡，配上炸紫苏叶同浸渍三文鱼籽，带子接近一粒乒乓波咁大！肉面肉质好鲜嫩，连肉嘅丝丝纹理都睇唔出🤣但出面如果可以再煎香脆啲就更好Main course 香
餐包
1 浏览
0 赞好
0 留言
因为第一次食，所以我地两个叫左唔同嘅menu share, 个人更喜欢five course menu !
海鲜真系新鲜到喊，无论系生蚝、白海老、带子定鳕鱼，全部都好高质，够新鲜就已经好够！Five course menu首先有时令生蚝🦪，配上青苹果同青柠雪葩，生蚝肥美饱满，系爽口风味，味道清淡，加埋个酱汁几开胃！
时令生蚝
1 浏览
0 赞好
0 留言
另外前菜仲有日本白海老刺身，又叫令和之怪物号，佢个摆盘靓到不得了，下面系蓝色液体配合干冰，好似一个富士山🙈，上面小碟系富山湾白海老配酱油渍三文鱼籽，酱汁系香橙啫喱同青酱，份量偏少，但白海老唔会话因为切碎而霉，仲系弹牙爽口，配酸酸嘅香橙啫喱有少少新奇。
之后嘅北海道带子配上青口忌廉酱同奶泡，配上炸紫苏叶同浸渍三文鱼籽，带子接近一粒乒乓波咁大！肉面肉质好鲜嫩，连肉嘅丝丝纹理都睇唔出🤣但出面如果可以再煎香脆啲就更好
Main course 香煎日本银鳕鱼！大赞大赞，鳕鱼油香味超香，好油润软滑，外皮香脆，整体有层次口感，配上香槟忌廉汁同蕃茄蟹黄酱，虽然香槟汁味唔太出，但两款唔同酱汁有唔同质地，刺激味蕾，好好味😋 side dish炸牛蒡都好特别呢～银雪鱼上面有日本海胆，质感同刺身感觉唔同，但系海胆味好浓郁，唔腥好新鲜！
甜品系朱古力三重奏，外皮是杏仁朱古力，好似mega 朱古力雪条外皮，杏仁粒粒令口感好丰富，中间是朱古力慕丝同榛子慕丝，较甜喔，所以旁边配上酸酸嘅香橙雪葩中和味道，三种层次唔同口感，仲有好靓嘅餐厅GJ朱古力牌装饰，做型好靓，整体唔错💓
另外叫嘅Dinner menu有4样野，价钱主要根据主菜决定，平嘅pasta $298 都有～ 首先餐汤系牛油果忌廉酥皮盒，有牛油果同野菌忌廉做成，上到来好似个餐包，入面系浓稠嘅忌廉汤，唔太流质，但味道好好，酥皮轻身薄脆，整体味道偏淡，唔会太肥腻，野菌味好重，又有口感，大推！
另外叫左个法式龙虾汤，set+38蚊，听侍应介绍煮法好特别，因此龙虾汤唔腥而有一份清甜感觉，龙虾味浓郁但调味偏淡，更突出海鲜嘅香气，值得一赞系所有碟都烘热再上，所以食物上到来仲会热辣辣，唔怕放冻左。
全餐最推荐最好食嘅系呢个—澳州m5和牛肉眼（10ozs) $498！因为另一个餐叫左鱼，所以呢个叫左肉眼牛排🥩，超级好食，份量有大约1只半手掌，肉质厚实，叫左7成，熟度岩岩好，肉汁满满，油脂部份入口即溶，牛肉味好香，配上烧烤格纹微微焦香感，牛味重而调味偏淡，旁边有酱汁同海盐可以再调味，但我觉得唔加酱汁，牛味更出更好食，好想另外叫多块牛排食👏🏻配菜蕃茄超级多汁，酸味中和番牛排嘅质感，伴碟酸忌廉焗薯就稍嫌偏淡，不过旁边都有海盐同酱汁比你调味，我估系费事太重口味盖过牛味🙈🙈🙈
甜品系香橙雪葩配朱古力蛋糕，清爽一霉味蕾，发现呢一间好钟意朱古力配上酸味甜品，味觉冲击又清新，但个人比较钟意朱古力三重奏口感同层次🤣
呢一间带比我惊喜好多，特别系牛排同鱼真系好出色，其他前菜全部都好用心，酱料特别，侍应又好好，环境又靓，静静地倾计好浪漫，令我好想再揾个藉口奖励自己再去啊！
张贴
