串王之王 - 正宗成都串串火鍋 (已結業)

上网见到呢间串串火锅店，觉得好特别，放工就同friend黎左试下。呢到系放题形式的。首先会有个青瓜小菜。呢个小菜都有啲辣架。跟住店员叫你选择汤底，可以拣一种汤底或者鸳鸯锅，咁我地就拣左麻辣同药膳汤。只系叫左微辣汤底已经好辣，唔算太识得辣嘅人可以拣呢个。麻辣汤底好香，而药膳汤底味道都好浓郁。基本上就咁摆喺汤入面录熟啲食物已经好够味。呢到有啲食物系其他地方较为少见，例如牛肉包芫茜，牛肉包韭菜，都颇特别。呢到几乎每样野食都系一串串咁样，可以拎住支竹签直接食，风味十足。最后，呢到有正宗嘅青花椒油，可以取代酱油，点青花椒油食又有独特嘅风味，个人觉得可以令食物味道更加突出，不过就较为油腻。